കൊക്കില്‍ ഷൂ… No ratings yet.

ജുറാസിക് കാലഘട്ടത്തിലെ ദിനോസറുകളുടെ പഴഞ്ചന്‍ ലുക്കില്‍ ലോകത്ത് ജീവിക്കുന്ന ഒരു പക്ഷിയുണ്ട്.ആഫ്രിക്കന്‍ വന്‍കരയില്‍ കാണപ്പെടുന്ന ഷൂബില്ല് കൊക്കുകള്‍.ഇവയുടെ ചുണ്ടുകള്‍ക്ക് ഷൂവിന്റെ ആകൃതിയാണ്.
പൂര്‍ണ വളര്‍ച്ചയെത്തിയ ഷൂബില്ലിന് ഏകദേശം നാലര അടിയോളം നീളവും ഏഴ് കിലോയോളം ഭാരവുമുണ്ടാകും.കോംഗോ,എത്യോപ്യ,സുഡാന്‍ തുടങ്ങിയ പ്രദേശങ്ങളിലെ ചതുപ്പുകളില്‍ ഇവയെ ധാരാളമായി കണ്ടുവരുന്നു.മറ്റുള്ള പക്ഷികളെ പോലെ കൂട്ടംകൂടി നടക്കാന്‍ ഷൂബില്ലിന് താല്‍പര്യമില്ല.ഇവ ഒറ്റയ്ക്ക് പറന്നുനടക്കാനാണ് ഇഷ്ടപ്പെടുന്നത്.പെലിക്കണുകളുടെ കുടുംബക്കാരാണ് ഷൂബില്ലുകള്‍.ഉറച്ച കൊക്കിനു പുറമെ വലിയ കാല്‍പാദങ്ങളും പ്രത്യേകതയാണ്.മത്സ്യം,തവള,പാമ്പ്,ചെറുമുതലകള്‍ ഇതൊക്കെയാണ് ഇവയുടെ പ്രിയവിഭവങ്ങള്‍.50 വര്‍ഷം വരെയാണ് ഷൂബില്ലിന്റെ ആയുസ്.കാട്ടുത്തീ,വരള്‍ച്ച,വനനശീകരണം മനുഷ്യന്റെ വട്ടേയാടല്‍ തുടങ്ങിയ ഭീഷണികള്‍ കാരണം ലോകത്ത് ഇന്ന് അവശേഷിക്കുന്നത് വെറും 8000 എണ്ണംമാത്രമാണ്.

Please rate this