ഒരു എലിക്കഥ…. 4.67/5 (3)

കുട്ടിക്കാലത്ത് മിക്കി മൗസും കൂട്ടുകാരും ഇല്ലാത്ത നാളുകളെ കുറിച്ച് ചിന്തിക്കാന്‍ പോലുമാകില്ല.അതു പോലെ വാള്‍ട്ട് ഡിസ്‌നിയെന്ന പേരും.1920കളുടെ ആദ്യം ഒരു അനിമേറ്ററായി തന്റെ കരിയര്‍ ആരംഭിച്ചയാളാണ് വാള്‍ട്ട് ഡിസ്നി.ആലീസ് കോമഡീസ് അനിമേറ്റഡ് ചിത്രങ്ങളുടെ നിര്‍മ്മാതാക്കള്‍ക്കൊപ്പമായിരുന്നു ഡിസ്നി ജോലിചെയയ്തിരുന്നത്.1927ല്‍ യൂണിവേഴ്സല്‍ സ്റ്റുഡിയോയുമായി ബന്ധപ്പെട്ട് പ്രവര്‍ത്തിക്കാന്‍ തുടങ്ങിയതോടെയാണ് ഡിസ്നി മുഴുനീള അനിമേഷനിലേക്ക് തിരിയുന്നത്.ഓസ്വാള്‍ഡ് എന്ന പേരില്‍ ഒരു മുയല്‍ കാര്‍ട്ടൂണുമായെത്തിയ ഡിസ്നിക്ക് വന്‍ ആരാധകരെ ലഭിച്ചു.ആദ്യമായി ഒരു കാര്‍ട്ടൂണ്‍ കഥാപാത്രത്തിന്റെ പേരില്‍ കളിപ്പാട്ടങ്ങളും വസ്ത്രങ്ങളും പുറത്തിറങ്ങി.1928ല്‍ ഡിസ്നി പുതിയ കഥാപാത്രത്തെ സൃഷ്ടിച്ചു ഓസ്വാള്‍ഡിനോട് സാമ്യതയുണ്ടെങ്കിലും അതൊരു എലിയായിരുന്നു.മഞ്ഞ ഷൂസും ചുവന്ന ട്രൗസറും വെളുത്ത ഗ്ലൗസും ധരിച്ചെത്തിയ മിക്കി കുട്ടികള്‍ക്കിടയില്‍ പെട്ടന്ന് പ്രശസ്തനായി.മിക്കിയെ സ്റ്റീംബോട്ട്് വില്ലി എന്ന ഷോര്‍ട്ട്ഫിലിമിലൂടെ ഡിസ്നി ഔദ്യോഗികമായി അവതരിപ്പിച്ചു.

Please rate this

Leave a Reply

Your email address will not be published. Required fields are marked *