“ദി ഗ്രേറ്റ് ഡിസ്‌കവറി” ജീവിതം…!!! 5/5 (1)

മാന്‍ വേഴ്സസ് വെല്‍ഡ്.പേരു പോലെ തന്നെ വന്യജീവിതത്തിന്റെ സങ്കീര്‍ണതകളിലൂടെയുള്ള ഒരു ഒറ്റയാള്‍ പോരാളിയുടെ സാഹസിക യാത്ര.അവതാരകനായ ലോകപ്രശസ്ത ബ്രട്ടീഷ് സാഹസികനായ എഡ്വാര്‍ഡ് മൈക്കിള്‍ ഗ്രില്‍സിന്റെ ജീവിതം.1974 ജൂണ്‍ 7ന് നോര്‍ത്ത് അയര്‍ലണ്ടില്‍ ജനനം.രാഷ്ട്രീയ വേരുകളുള്ള കുടുംബം അച്ഛനും അമ്മയും സഹോദരിക്കുമൊപ്പം ആഘോഷിക്കപ്പെട്ട കുട്ടിക്കാലം.
അസാധ്യമായതൊന്നുമില്ലെന്ന് ജീവിതത്തിലൂടെ തെളിയിക്കുന്നതിനായി മറ്റാരും സഞ്ചരിക്കാത്ത വഴികളിലൂടെ നടക്കാന്‍ ബെയര്‍ ആഗ്രഹിച്ചു.
1996ല്‍ ഉയരത്തെ സ്നേഹിച്ച അയാള്‍ ഒരു പരിശീലന പറക്കലിനിടെ 16000 അടി ഉയരത്തില്‍ നിന്ന് താഴേക്ക് ചാടി.ധരിച്ചിരുന്ന പാരച്യൂട്ട് തകര്‍ന്ന് താഴെ വീണ ബെയറിന്റെ വാരിയെല്ലുകളടക്കം ഒടിഞ്ഞ് നുറുങ്ങി.ആ സാഹസിക ജീവിതം അവിടെ അവസാനിച്ചെന്ന് ഡോക്ടര്‍മാര്‍ വിധിയെഴുതി.പക്ഷെ കൃത്യം ഒന്നര വര്‍ഷത്തിനു ശേഷം ആ കിടപ്പില്‍ നിന്നും ബെയര്‍ കുതിച്ചു.എവറസ്ററ് കീഴടക്കിയ പ്രായം കുറഞ്ഞ വ്യക്തിയെന്ന് ചരിത്രം എഴുതി.ജോലിയില്‍ നിന്ന് അവധിയെടുത്ത് സാഹസിക പ്രയാണങ്ങള്‍ നടത്തിയ ബെയര്‍ ലോകതലത്തില്‍ ശ്രദ്ധിക്കപ്പെട്ടുതുടങ്ങി 7600മീറ്റര്‍ ഉയരത്തില്‍ ബലൂണില് ഡിന്നര്‍ പാര്‍ട്ടി നടത്തിയും ഉയരങ്ങളില്‍ നിന്ന് ചാടിയും അന്റാര്‍ട്ടിക്കന്‍ മലനിരകള്‍ കയറിയും റെക്കോര്‍ഡുകള്‍ വാരിക്കൂട്ടി.തങ്ങള്‍ക്ക് വേണ്ടി സാഹസികത നിറഞ്ഞൊരു പ്രോഗ്രാം ചെയ്യാന്‍ ബെയറിനെ ഡിസ്‌കവറി ക്ഷണിച്ചു.ഒരു എപ്പിസോഡിന് ഏകദേശം 20 ലക്ഷം രൂപയാണ് ബെയറിന് ലഭിച്ചിരുന്നത്.മാന്‍ വേഴ്സസ് വൈല്‍ഡ് ഇന്ത്യയടക്കം രാജ്യങ്ങളില്‍ ഭാഷയുടെഅതിര്‍വരമ്പുകള്‍ ഭേതിച്ച് മുന്നേറി.

Please rate this

Leave a Reply

Your email address will not be published. Required fields are marked *